Aspirinlə bağlı ŞOK araşdırma - FAKTLAR EKSKLÜZİV

Bütün dünyanın xərçəng kimi dəhşətli xəstəliklə mübarizə apardığı bir vaxtda italiyalı mütəxəssislər hər kəsin tanıdığı, ən azından adını eşitdiyi preparatı bu sahədə ideal vasitə olduğunu açıqladılar.

İtaliyada Veneto Xərçəng İnstitutunun alimləri müəyyən ediblər ki, aspirin qəbulu kolorektal xərçəngin müalicəsində mühüm rol oynayır.

ULUSUM.az saytının əldə etdiyi məlumata görə, adıçəkilən preparat şiş hüceyrələrinə qarşı orqanizmin immun reaksiyasını gücləndirir. Bu, orqanizmdə CD80 adlı xüsusi zülalın istehsalının artması ilə əlaqədardır.

Belə ki, Aspirini qəbul edən xəstənin orqanizmində hüceyrələrarası "siqnalizasiya" güclənir xərçəng şişlərini dərhal aradan qaldırmaq qabiliyyətini artırır. İnstitutda aparılan təcrübələrə əsasən, bildirilir ki, aspirin qəbul edən kolorektal xərçəngi olan xəstələrin sağlam toxumalarında CD80 istehsalı digər xəstələrə nəzərən daha sürətlə gedirdi.

Buna görə də alimlər aspirinin (xüsusilə oral aspirin) istifadəsinin kolorektal xərçəngin inkişafının və irəliləməsinin qarşısını ala biləcəyi qənaətindədirlər.

Qeyd edək ki, dərmanın hansı dozada verilməsi fərdi xarakter daşıyır. Yəni, xəstənin terapevtik durumuna uyğunluğunu yoxlamaq üçün əvvəlcədən ciddi müayinə önəmlidir.

Rəşad Ələkbərov