Berbok Ukraynaya hərbi yardım ayrılmasını tələb edib

Almaniya XİN rəhbəri Annalena Berbok, Ukraynaya hərbi yardım olaraq dərhal 3 milyard avro ayrılmasını tələb edib.

Onun sözlərinə görə, hazırda tarixi hadisələr baş verir və Kiyevi dəstəkləmək vacibdir.

“Ulusum”.az xəbər verir ki, Berbok bu bəyanatı Ukrayna prezidenti Volodimir Zelenskinin ABŞ-a səfəri fonunda verib.

O, Almaniyanın bu tarixi mərhələdə təşəbbüslə çıxış etməli olduğunu vurğulayıb. Berbok, daha əvvəl Bundestaqın hərbi yardım paketini blokladığını xatırladıb və Avropa İttifaqını martın 6-da keçiriləcək sammitdə Ukraynanı dəstəkləmək üçün "kompleks Avropa maliyyə paketi" hazırlamağa çağırıb.

O, həmçinin bildirib ki, indiki dövr "qeyri-qanuni vaxtdır" və beynəlxalq nizamı və qanunun üstünlüyünü qorumaq daha vacibdir. Berbok Almaniyanın "güclü hakimiyyətə qarşı" olduğunu vurğulayıb.