Süni İntellektlə fırıldaqçılıq cəhdi

İtaliyada süni intellektin köməyi ilə həyata keçirilən bu fırıldaqçılıq əməliyyatı, sahibkarlara təxminən bir milyon avro ödəmələrini tələb edən telefon zəngləri ilə baş verib. Fırıldaqçılar, Müdafiə Naziri Guido Crosettonun səsini təqlid edərək müəssisə sahiblərindən böyük məbləğdə pul tələb edib. Onlar, bu pulların Yaxın Şərqdə girov götürülən jurnalistlər üçün tələb olunan təzminat pulu olduğunu iddia ediblər.

Zərərçəkənlər arasında İtaliyanın ən varlı iş adamları və korporasiya rəhbərləri də var. Məlumatlara görə, bu fırıldaqçılar, özlərini nazirin və onun komandası kimi təqdim edərək, şəxsi əlaqələrdən istifadə edib. Hadisə ilə bağlı Milanda istintaq başlayıb və hələ də fırıldaqçıların kimlikləri müəyyənləşdirilməyib, “Ulusum”.az xəbər verir.

Səidə