Puşkinin üstü cızılmış qeydləri deşifrə edilib

Rusiya şirkəti "Smart Engines" süni intellekt vasitəsilə Aleksandr Puşkinin qaralama əlyazmalarında cızılmış fraqmentlərin uğurla deşifrə edildiyini elan edib. “Ulusum”.az xəbər verir ki, şirkətin mətbuat xidmətindən verilən məlumata görə, "Da Vinçi" adlı unikal neyroşəbəkə texnologiyası bu sahədə inqilab yaradıb.

İlkin olaraq rəsmi sənədlərin, o cümlədən Rusiya pasportunun çətin şəraitdə tanınması üçün yaradılmış bu texnologiya indi Puşkinin əlyazmalarındakı qələm hərəkətlərini təhlil edərək gizli qalan mətn fraqmentlərini bərpa edir. Artıq bəzi əvvəllər naməlum olan sözlər deşifrə edilib ki, bu da alimlərin fikrincə, Puşkinin yaradıcılıq prosesini daha dərindən anlamağa kömək edəcək.

"Da Vinçi" texnologiyası sənədlərdə xəttlərin maneə törətdiyi əlyazmaların tanınmasını asanlaşdırmaq məqsədilə yaradılmışdı. İndi "Smart Engines" məhsullarına inteqrasiya olunaraq sənədləri müxtəlif bucaqlarda və pozulmuş şəraitdə avtomatik tanıya bilir.

"Smart Engines"-in baş direktoru Vladimir Arlazarov bildirib ki, Puşkin əlyazmalarının deşifrə edilməsi üzrə eksperiment neyroşəbəkələrin elm sahəsində böyük potensiala malik olduğunu təsdiqləyib.

Səidə