Rusiya və İranın strateji tərəfdaşlıq müqaviləsi: Trampın qarşılaşacağı çətin çağırış

Rusiya və İran arasında bütün sahələri əhatə edən tərəfdaşlıq müqaviləsi ABŞ prezidenti Donald Tramp üçün ciddi bir çağırışa çevriləcək və onun buna qarşı durması gözlənilir. “Ulusum”.az xəbər verir ki, The Hill qəzetinin yazdığına görə, Tramp, Moskva və Tehranın tərəfdaşlığını sarsıtmaq məcburiyyətindədir.

"Bu siyasi əhəmiyyətli saziş, ABŞ və müttəfiqlərinin mövqelərindən qlobal güc balansını dəyişdirmək üçün uzun müddətli bir oyun mərhələsidir. Yeni administrasiya bir çox təcili məsələlərlə iş başına gəlir, amma Moskva və Tehranın tərəfdaşlığı sürətlə diqqət tələb edir, çünki bu, təhlükələrə və yeni müharibəyə yol aça bilər", - deyə məqalədə qeyd edilir.

Məqalə müəlliflərinə görə, Tramp bütün sanksiyaları bərpa etməli, kəşfiyyat icmasına İran-Rusiya tərəfdaşlığını izləmək, təhlil etmək və pozmaq vəzifəsi verməlidir. Dövlət başçısı, İranın nüvə potensialının artmasını əngəlləmək, onun ballistik raket arsenallarını neytrallaşdırmaq və etibar etdiyi şəxsləri məhv etmək istiqamətində irəliləməlidir.

17 yanvarda Rusiya və İran prezidentləri Kremldə iki ölkə arasında strateji tərəfdaşlıq müqaviləsi imzalayıb. Razılaşma müdafiə, terrorizmə qarşı mübarizə, energetika, maliyyə məsələləri, nəqliyyat, sənaye, kənd təsərrüfatı, mədəniyyət, elm və texnologiyalar sahələrini əhatə edir.

Bu razılaşma, Moskva və Tehranın əməkdaşlığını yeni səviyyəyə çıxararaq, onların strateji tərəfdaş kimi statuslarını möhkəmləndirəcək. Həmçinin, uzunmüddətli əlaqələrin hüquqi əsaslarını qurur.

Səidə