Qazaxıstanda nazir müavini həbs olundu – 78 min dollarlıq rüşvət şübhəsi

Qazaxıstanda Nəqliyyat nazirinin müavini Sajtjan Ablaliyev saxlanılıb. Bu barədə "KazTAG" agentliyi hüquq-mühafizə orqanlarındakı mənbəyə istinadən xəbər verir.



Lakin digər təfərrüatlar açıqlanmayıb. Sosial şəbəkələrdə yayılan məlumata görə, Ablaliyev 78 min dollar məbləğində külli miqdarda rüşvət almaqda və qanunsuz himayəçilikdə şübhəli bilinir.

Qazaxıstan Milli Təhlükəsizlik Komitəsinin (KNB) mətbuat xidməti bu məlumatı nə təkzib, nə də təsdiq edib.

Qeyd edək ki, Sajtjan Ablaliyev 2023-cü ilin oktyabr ayından Qazaxıstanın nəqliyyat nazirinin müavini vəzifəsində çalışır.

Ulusum.az