Tramp strategiyasına özü də inanmır: Rusiya sanksiyalarına dair şübhə

ABŞ prezidenti Donald Trampın Ukrayna müharibəsi ilə bağlı Rusiyaya qarşı hazırladığı strategiyanın effektivliyinə özü də əmin deyil. Bu barədə The New York Times yazır.

Nəşrdə qeyd olunur ki, Tramp Rusiya ilə bağlı dəfələrlə sanksiyalarla hədələsə də, hələlik bu təhdidlərini reallaşdırmayıb. Məlumata görə, Tramp bu həftə Rusiyaya qarşı maliyyə sanksiyalarını gündəmə gətirsə də, bunun nəticə verib-verməyəcəyinə şübhə ilə yanaşır.

Məqalədə vurğulanır ki, Trampın ultimatumu Rusiya prezidenti Vladimir Putinin mövqeyini dəyişmək üçün kifayət etməyə bilər. Çünki yay hücumlarının qızğın çağında Putin cəbhədə üstünlüyə malik olduğunu düşünür: Kiyevin ehtiyatları tükənir, Moskva isə irəliləyişə nail olur.

Ulusum.az