Zelenskidən Trampa jest: Vaşinqtondakı səfiri geri çağırır?

Ukrayna Prezidenti Vladimir Zelenski ABŞ Prezidenti Donald Trampa Vaşinqtondakı səfir Oksana Markarovanı geri çağıracağını vəd edib. Bu barədə Financial Times qəzeti məlumat yayıb.

Məlumata görə, Markarova ABŞ-da Demokrat Partiyasına yaxın şəxs kimi tanınır və respublikaçılar tərəfindən tənqid olunurdu. Onun geri çağırılması, ABŞ-ın Ukraynaya silah tədarükünü dayandırdığı bir dövrdə Zelenskinin Trampı razı salmaq cəhdi kimi qiymətləndirilir.

Yüksək vəzifəli ukraynalı məmurun sözlərinə görə, Zelenski Vaşinqtona həm Ağ Ev, həm də Konqres üçün daha uyğun, danışıqları bacaran yeni bir səfir göndərməyi planlaşdırır.

7 iyulda Bloomberg yazmışdı ki, mümkün səfir namizədləri arasında baş nazir Denis Şmıqal, vitse-premyer Olqa Stefanışina, müdafiə naziri Rustem Umerov və energetika naziri German Qaluşenko var.

Ulusum.az