8-07-2025, 20:00 0 Cəmiyyət / Dünya

Qrossidən xəbərdarlıq: İranın nüvə proqramı hərb yolu ilə dayandırıla bilməz

İranın nüvə proqramını sırf hərbi yollarla ləğv etmək mümkün deyil – bu problemin həlli üçün diplomatik səylər və danışıqlar zəruridir.

Bu barədə Beynəlxalq Atom Enerjisi Agentliyinin (MAQATE) baş direktoru Rafael Qrossi Varşavada keçirdiyi mətbuat konfransında bildirib. Onun sözlərini TVP Info telekanalı yayıb.

İranın nüvə proqramına ciddi zərər verilməsinə baxmayaraq, davamlı və uzunmüddətli həll yolu tapılmalıdır. Bu isə hərbi üsullarla mümkün deyil – güclü texnoloji və sənaye bazasına malik belə əhəmiyyətli bir ölkənin potensialını tamamilə məhv etmək sadəcə mümkün deyil, – deyə Qrossi bildirib.

O vurğulayıb ki, istənilən real nizamlanma ssenarisi diplomatik razılaşma ilə təmin olunmalıdır və bu razılaşma şəffaf və etibarlı yoxlama mexanizmini mütləq əhatə etməlidir.

Əgər nəzarət sistemi olmazsa, istənilən razılaşma çox zəif və həssas olacaq, – deyə o xəbərdarlıq edib.

MAQATE rəhbəri əlavə edib ki,

hazırda vasitəçilər üzərindən müəyyən danışıqlar aparılır.

Biz indi münaqişədən sonrakı mərhələdəyik və bunu aşmaq lazımdır. Ümid edirəm ki, yaxın vaxtlarda irəliləyiş olacaq və davamlı razılaşmanın əldə olunmasına töhfə verə biləcəyik, – deyə Qrossi fikrini tamamlayıb.

Ulusum.az

Diqqət Çəkənlər