Musk, Trump ilə bağlı Epstein mesajını sildi

Ağ Evi tərk etdikdən sonra X platformasında ABŞ Prezidenti Donald Trump haqqında sərt tənqidlər paylaşan Elon Musk-ın bəzi paylaşımlarını sildiyi məlum olub.

Musk-ın sildiyi paylaşımlar arasında "Trump-ın adının Epstein sənədlərində keçdiyini" iddia etdiyi paylaşım da yer alıb.

Elon Musk-ın bu paylaşımı niyə sildiyi bilinmir, lakin Ağ Ev Musk-ın bu iddiasının doğru olmadığını açıqlamışdı.

Trump-ın imzasını daşıyan vergi və miqrasiya qanun layihələrini tənqid etdiyi üçün aralarında sözlü mübahisə yaranmışdı. Bu zaman Musk, Trump-ın 2024 seçkilərini məhz onun (yəni Musk-ın) dəstəyi sayəsində qazandığını iddia etmişdi.

Musk, həmçinin ictimaiyyətdə “Epstein sənədləri” kimi tanınan, azyaşlı qızlara qarşı cinsi istismar və fahişəlik şəbəkəsi qurmaq ittihamları ilə mühakimə olunan və həbsdə ölü tapılan milyarder Jeffrey Epstein işi ilə bağlı sənədlərdə ABŞ Prezidenti Trump-ın adının da yer aldığını iddia etmişdi.

Ulusum.az