Fransa Rusiya pasportlarına "yox" dedi: Biometrik olmayan sənədlər artıq keçərli deyil

Fransa, Rusiya Federasiyası vətəndaşlarının beşillik, lakin biometrik olmayan xarici pasportlarını artıq tanımır. Bu barədə Avropa Şurasının saytında məlumat verilib.

Bildirilir ki, 1 iyun 2025-ci ilədək verilmiş və hələ qüvvədə olan Fransa Şengen vizası olan qeyri-biometrik pasportlar viza müddəti bitənə qədər qəbul ediləcək.

15 yaşdan kiçik rusiyalılar isə hələ də Fransaya daxil ola biləcəklər.

Qeyd edək ki, iyunun 1-də Litva da rus vətəndaşlarının biometrik məlumat olmayan köhnə xarici pasportları ilə ölkəyə daxil olmasına qadağa qoydu. Qayda 31 may tarixindən qüvvəyə minib. Litva bu qadağa ilə artıq bu rejimi tətbiq edən Danimarka, İslandiya, Çexiya, Fransa və Estoniyaya qoşulub.

Yeni qaydalar Kalininqrad vilayətindən tranzitlə keçən ruslara şamil edilmir, Litva XİN qeyd edib.

Ötən il Çexiyanın xarici işlər naziri Yan Lipavski bəyan etmişdi ki, biometrik pasportu olmayan rusiyalılar artıq Çexiyaya daxil ola bilməyəcək. Onun sözlərinə görə, ölkənin təhlükəsizliyi əsas prioritetdir və hakimiyyət mümkün "sabotaj aktını" gözləyərək hərəkətsiz qalmaq niyyətində deyil. Lipavski vurğulayıb ki, Çexiyada qalmaq istəyən hər kəs şəxsiyyətini sübut etməlidir.

Ulusum.az