Türkiyə Konstitusiyanı dəyişir

Türkiyə Prezidenti Rəcəb Tayyib Ərdoğan ölkənin yeni Konstitusiyası üzərində işlərin başladıldığını açıqlayıb. O bildirib ki, bu məqsədlə 10 hüquqşünasa tapşırıq verilib.

“Biz azadlıqları tam şəkildə təmin edəcək bir Konstitusiyanı millətə hədiyyə etməkdə qərarlıyıq”, – deyə Türkiyə lideri vurğulayıb. Ərdoğan əlavə edib ki, hazırda qüvvədə olan 1982-ci il Konstitusiyası çevrilişlər dövrünün izlərini daşıyır. Onun fikrincə, yeni mülki Konstitusiya bu keçmişin qalığı olan izləri silmək və tarixi geridə qoymaq imkanı yaradacaq.

“Biz terrorizmsiz Türkiyə hədəfinə çatdıqda, bu uğur yalnız bir qrup üçün deyil, bütün 86 milyon vətəndaş üçün qazanılmış olacaq”, – deyə Ərdoğan yekunlaşdırıb.

Ulusum.az