Trampdan geri addım – Rusiyaya qarşı yeni sanksiyalar ləğv oluna bilər

ABŞ prezidenti Donald Tramp, Rusiya lideri Vladimir Putinlə keçirdiyi dialoqdan sonra Moskvaya qarşı yeni sanksiyaların tətbiqini planlaşdırmadığını bəyan edib. Bu barədə The New York Times administrasiyadakı mənbələrə istinadla məlumat yayıb.

Mənbələrin sözlərinə görə, Tramp yeni məhdudiyyətlərə qarşı olduğunu açıq şəkildə bildirib. Ağ Ev nümayəndələri də daha əvvəl etiraf etmişdilər ki, mövcud sanksiyalar gözlənilən nəticəni verməyib və ABŞ-ın maraqlarına zərər vurur.

"Rusiyaya qarşı tətbiq olunan sanksiyalar effektsiz oldu və ölkənin strateji məqsədlərinə uyğun gəlmir", – deyə adları açıqlanmayan mənbələr qeyd ediblər.

Ulusum.az