Vatikan sülhə aparacaqmı? Kreml buna nə deyir?

Rusiya Vatikanın Ukrayna ilə bağlı danışıqlar prosesinə cəlb olunmasında maraqlı deyil. Moskva ötən həftə İstanbulda başlanan nümayəndə heyətləri arasında görüşlərin davam etdirilməsinə üstünlük verir. Bu barədə Bloomberg agentliyi mənbələrə istinadla məlumat yayıb.

“ABŞ və Avropa liderləri Rusiyanı və Ukraynanı sülh danışıqlarına cəlb etmək üçün Vatikanla ümidlərini bağlayır. Prezident Donald Tramp bildirib ki, Papa XIV Lev bu ideyaya maraq göstərib. Lakin Kreml bu məsələyə elə də həvəsli deyil”, – deyə agentliyin məlumatında qeyd olunur.

Rusiya rəsmilərinin prezident Vladimir Putinin Vatikan və ya hər hansı başqa yerə danışıqlar üçün səfər etməsi ilə bağlı “planları yoxdur”. Əvəzində, Moskva 16 mayda İstanbulda keçirilən texniki danışıqların davam etdirilməsinə diqqət yetirir.

Ulusum.az