Netanyahu-Tramp ittifaqı: Qəzza planı nə vəd edir?

ABŞ-ın prezidenti Donald Tramp ilə İsrailin baş naziri Benyamin Netanyahu arasında telefon danışığı baş tutub.

Bu barədə məlumatı Netanyahunun ofisi yayıb.

Danışıq zamanı tərəflər Qəzza zolağında girovların azad olunması, HAMAS-ın ləğvi və Trampın Fələstin anklavının transformasiyası planı ilə bağlı irəliləyişləri müzakirə ediblər.

Liderlər, həmçinin mayın 22-də Vaşinqtonda İsrail səfirliyinin əməkdaşlarının öldürülməsi ilə bağlı da fikir mübadiləsi aparıblar. Tramp hadisəyə görə başsağlığı verib və İsraillə həmrəy olduğunu bildirib.

Telefon danışığında diqqət çəkən məqamlardan biri də İranın nüvə silahı əldə etməsinin qarşısının alınması ilə bağlı Trampın tam razılaşması olub. Onun fikrincə, bu, bölgədə sülh və təhlükəsizlik üçün həyati əhəmiyyət daşıyır.

Ulusum.az