Musiqi ilə yaşayan xatirə: Hikmət Mirməmmədlinin anım günüdür - VİDEO

Bu gün tanınmış bəstəkar Hikmət Mirməmmədlinin (1961–2007) anım günüdür. O, Azərbaycan musiqisində özünəməxsus iz qoymuş sənətkarlar sırasında yer alır. Hikmət Mirməmmədlinin həyat yolu böyük uğurlarla yanaşı, dərin şəxsi itkilərlə də müşayiət olunub.

2007-ci il ailəsi üçün olduqca ağır bir il olub. Əvvəlcə onun 14 yaşlı oğlu dənizdə boğularaq dünyasını dəyişib. Bu dəhşətli itkini yaşadıqdan bir müddət sonra bəstəkar “Xan bağı” restoranında keçirilən doğum günü mərasimində qəfildən halını itirib və elə həmin yerdəcə vəfat edib.

Həyat yoldaşı Nailə Mirməmmədli Hikməti həmişə böyük sevgi və ehtiramla xatırlayıb. Onun sözlərinə görə, Hikmətin xatirəsi və musiqisi daim onunla birlikdə olub. Nailə xanım da 2021-ci ildə, 59 yaşında dünyasını dəyişib.

Hikmət Mirməmmədli bu gün də musiqisevərlərin qəlbində yaşayır. Onun bəstələri illər keçsə də, öz dəyərini itirmir və yeni nəsillər tərəfindən sevilərək dinlənilir.



Ulusum.az