Dodik Trampa nə təklif edir?

Bosniya və Herseqovinanın tərkibindəki Serbiya Respublikasının prezidenti Milorad Dodik ABŞ-ın sabiq prezidenti Donald Trampa strateji minerallar üzrə təklif irəli sürüb. O, Serbiya Respublikasının Radio və Televiziyasına verdiyi müsahibədə bildirib ki, Vaşinqtona bu mühüm mineralların hasilatına çıxış imkanı verməyə hazırdır – əvəzində siyasi muxtariyyətinə dəstək istəyir.

“Amerikanın mühüm faydalı qazıntıların təchizat zəncirinin təhlükəsizliyini və diversifikasiyasını təmin etmək səylərini dəstəkləməyə hazırıq. Bizə azadlıq verin, artıq mövcud olan suverenliyimizi tanıyın, Dayton razılaşmasını və siyasi muxtariyyətimizi təsdiqləyin – və biz tərəfdaş olarıq”, – deyə Dodik bildirib.

O, qeyd edib ki, regionda litium, bor, stronsium, natrium və kalium kimi strateji mineralların böyük ehtiyatları mövcuddur. Onun sözlərinə görə, litium və bor yataqları təkcə Avropada deyil, dünyada da ən perspektivlilər sırasındadır.

Ulusum.az