Yeşilçam ulduzunun ölüm işinə nöqtə qoyuldu

2022-ci ildə dünyasını dəyişən məşhur türkiyəli aktrisa Fatma Girikin ölüm səbəbi ilə bağlı aparılan araşdırma yekunlaşıb.

İstanbul prokurorluğunun qərarına əsasən, heç bir səhlənkarlığa yol verilməyib və cinayət təqibinə ehtiyac qalmayıb.

Ekspertiza nəticələrinə görə, aktrisa COVID-19-un səbəb olduğu orqan çatışmazlığından vəfat edib.

Tibbi müdaxilədə səhv aşkarlanmayıb.

Xatırladaq ki, mərhumun qardaşı Günay Girik xəstəxananı və bacısı qızı Ahu Turanlını məsuliyyətsizlikdə günahlandıraraq məhkəməyə vermişdi.

Ulusum.az