Aİ “Azadlıq Radiosu”na 5,5 milyon avro ayırdı

Avropa İttifaqı “Azadlıq Radiosu”nu maliyyələşdirəcək – bu məqsədlə artıq 5,5 milyon avro ayrılıb. Bu barədə Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas məlumat verib.

Onun sözlərinə görə, Aİ “Azadlıq Radiosu”nun Aİ-yə qonşu ölkələrdə, eləcə də Şimali Qafqaz və Mərkəzi Asiyada fəaliyyətini davam etdirməsinə yönəlib. “Bu, qısamüddətli maliyyələşdirmədir, indi isə Aİ ölkələri uzunmüddətli maliyyə planı barədə razılığa gəlməlidirlər”, – deyə Kallas əlavə edib.

Qeyd edək ki, mart ayında ABŞ tərəfindən maliyyə dəstəyi dayandırıldıqdan sonra redaksiyanın demək olar ki, bütün heyəti inzibati məzuniyyətə göndərilmişdi.

Ulusum.az