Rusiyada “Harri Potter” və “Taxt Oyunları” qadağan oluna bilər

Rusiyada “Harri Potter” və “Taxt Oyunları” kimi məşhur əsərlər çayldfri (uşaqsız həyat tərzinin təbliği) səbəbilə qadağan oluna bilər. Bu barədə “Парламентская газета” yazır.

Sentyabr ayında Mədəniyyət Nazirliyi və Rəqəmsal Nəzarət Xidməti (RKN) tərəfindən təsdiqlənəcək yeni göstərişlər qüvvəyə minəcək. Bu sənədlər arasında hamiləliyə mənfi münasibət və uşaqsız həyat tərzinə müsbət yanaşmanı senzura üçün əsas meyarlar kimi qəbul edəcək.

Məqalədə bloklana biləcək bəzi nümunələr göstərilib:

“Seks və böyük şəhər” serialında Samanta uşaqsız olmağı üstün tutur, bir dəfə uşaqla qalmaq ona çətin gəlir.

“Taxt Oyunları”nda Brienna kişi kimi döyüşçü olmaq istəyir və bu yolda uşaq sahibi olmaqdan imtina edir.

“Harri Potter”də isə professor Makqonagallın uşağının olmaması diqqətə çəkilir – bu onun şəxsi seçimi olub-olmadığı isə bəlli deyil.

✍️"Ulusum".az