Tramp dərman qiymətlərini endirir – ABŞ tarixində yeni səhifə

ABŞ Prezidenti Donald Tramp ölkə üzrə reseptlə satılan dərmanların qiymətlərini 30–80% aralığında aşağı salacaq fərman imzalayacağını açıqlayıb. Bu barədə o, Truth Social sosial şəbəkəsində yazıb.

Tramp bildirib ki, 12 may tarixində, yerli vaxtla saat 09:00-da (Bakı vaxtı ilə 16:00) "ölkə tarixinin ən mühüm fərmanlarından birini" imzalayacaq.

O, bu addımı “ən üstün münasibət göstərilən ölkə” siyasəti adlandırıb. Trampın sözlərinə görə, bu qərar ABŞ-da dərmanların digər ölkələrlə müqayisədə ədalətsiz dərəcədə baha olmasının qarşısını almağa yönəlib.

✍️"Ulusum".az