Azərbaycan təyyarə qəzasının araşdırılmasına türkiyəli mütəxəssisləri cəlb edib

AZAL-ın təyyarəsinin qəzaya uğraması ilə bağlı araşdırmalara türkiyəli mütəxəssislər də cəlb olunub. Bu barədə Türkiyə mətbuatı məlumat yayıb.

Bildirilir ki, Azərbaycan istintaqı dərinləşdirmək üçün Türkiyədən ekspertlər qrupu cəlb edib.

Türkiyənin mülki aviasiya mütəxəssislərindən ibarət qrup artıq qəza yerinə yola düşüb. Türkiyəli mütəxəssislər araşdırmanın nəticələrini Azərbaycan rəsmiləri ilə bölüşəcəklər.

Qeyd edək ki, dekabrın 25-də Qazaxıstanın Aktau şəhəri yaxınlığında Bakı-Qroznı reysini həyata keçirən AZAL-ın sərnişin təyyarəsi qəzaya uğrayıb. Təyyarədə 62 sərnişin və 5 ekipaj üzvü olub. Qəza nəticəsində 38 nəfər ölüb, 29 nəfər sağ qalıb.

Eltun Məmmədov