Rusiya və İran Trampın andiçmə mərasimi ərəfəsində yeni strateji tərəfdaşlıq sazişi imzalaya bilər

Rusiya və İran Trampın andiçmə mərasimi ərəfəsində yeni strateji tərəfdaşlıq sazişi imzalaya bilər. Ulusum.az xəbər verir ki, bu barədə Newsweek nəşri yazıb.

Nəşrin yazdığı kimi, Tehran və Moskva arasında yeni razılaşma iki ölkənin dünya səhnəsində təcrid fonunda “qüvvələrini birləşdirmək” cəhdindən xəbər verir.

Oktyabrın sonunda Rusiyanın xarici işlər naziri Sergey Lavrov bildirib ki, saziş yaxın gələcəkdə imzalanmağa hazır olacaq və “tərəflərin müdafiə sahəsində sıx əməkdaşlığa, regional və qlobal sülh və təhlükəsizlik maraqları naminə qarşılıqlı fəaliyyətə dair öhdəliklərini rəsmiləşdirir. ”

Yeni ikitərəfli müqavilə ölkələr arasında 2001-ci ildə imzalanmış və 2020-ci ildə uzadılmış 20 illik strateji sazişi əvəz edəcək. O, enerji, istehsal, nəqliyyat və kənd təsərrüfatı sahələrində əməkdaşlıq vədlərini ehtiva edəcək.

Eltun Məmmədov