Zelenski Rusiya ilə danışıqlarla bağlı ritorikasını dəyişməyə başlayıb

Zelenski Rusiya ilə danışıqlarla bağlı ritorikasını dəyişməyə başlayıb. Ulusum.az xəbər verir ki, bu barədə Washington Post yazıb.

Əgər əvvəllər o, danışıqlara başlamaq üçün şərt kimi bütün ərazilərin qaytarılmasını israr edirdisə, indi daha çox “davamlı sülh” və uzunmüddətli perspektivdə Ukraynanın təhlükəsizliyindən danışır.

Sky News-a verdiyi son müsahibədə Zelenski deyib ki, Ukrayna NATO-ya üzv olarsa, “müharibənin qaynar mərhələsi” başa çata bilər. Eyni zamanda, Rusiyanın hazırda nəzarət etdiyi ərazilər sonradan “diplomatik yolla” geri qaytarıla bilər.

Bu, onun bəzi ərazilər üzərində müvəqqəti olaraq Rusiyanın nəzarətini saxlamaq imkanının bu günə qədərki ən açıq etirafıdır.


Eltun Məmmədov