Şimali Koreya Rusiya üçün silah istehsalını artırıb

Şimali Koreya Rusiya üçün silah istehsalını artırıb. Ulusum.az xəbər verir ki, bu barədə "The Wall Street Journal" SI Analytics-in peyk görüntülərinə istinadən yazıb.

Görüntülərdə Şimali Koreyanın şərq sahillərində Hwasong-11 sinif raketlərinin istehsal olunduğu obyektdə yeni binaların sürətlə inşası əks olunub. Bu strukturlar çox güman ki, sənaye fəaliyyətini gizlətmək məqsədi daşıyır.

Conflict Armament Research-in ekspedisiya əməliyyatları üzrə direktorunun sözlərinə görə, Şimali Koreya zavodları bir neçə ay ərzində yeni Hwasong raketlərinin partiyalarını istehsal edə bilər.

Bundan əlavə, WSJ-nin məlumatına görə, Pxenyan Rusiyaya 170 mm-lik özüyeriyən haubitsalar və 240 mm-lik uzaqmənzilli çoxsaylı buraxılış raket sistemləri göndərib.


Eltun Məmmədov