BMT: Dünyada ac insanların sayı artır

Zəngin ölkələrin beynəlxalq təşkilatlara ayırdığı maliyyənin azalması fonunda dünyada ac insanların sayı artır. Ulusum.az xəbər verir ki, bu barədə "Reuters" BMT-nin məlumatlarına istinadən yazıb.

Gələn il dünyada 117 milyondan çox insan yardımsız qala bilər.

“Birləşmiş Millətlər Təşkilatı deyir ki, gələn il humanitar yardıma ehtiyac duyacağını proqnozlaşdırdığı 307 milyon insanın təxminən 60%-nə kömək etmək üçün ən yaxşı halda kifayət qədər pul toplaya bilər”.
- materialda deyilir.

Bu il zəngin ölkələrdən maliyyələşmədə azalma müşahidə olunub. Təşkilat tələb olunan 49,6 milyard dolların yalnız 46%-ni toplayıb - bu, dünya qurumunun ardıcıl ikinci ildir ki, tələb etdiyi məbləğin yarısından azını toplayıb.

Eltun Məmmədov