Çin Yer mantiyasına dünyanın ilk quyusunu qazmaq istəyir

Çin Yer mantiyasına dünyanın ilk quyusunu qazmaq istəyir.

Ulusum.az xəbər verir ki, bunun üçün onlar artıq Quançjou limanında olan ən son tədqiqat gəmisi Meng Xiang-dan istifadə edirlər. Qazma qurğusu dəniz səviyyəsindən 11 min metr aşağıya qədər dərinliyə getməyə qadirdir. Bu o deməkdir ki, qazma yer qabığı ilə mantiya arasındakı "Mohorovicic sərhədi" və ya "Moho" xəttinə çata biləcək. Sərhəd okeanların altında 5-10 km dərinlikdə yerləşir ki, bu da dərin dəniz qazmalarını onun öyrənilməsi üçün optimal üsula çevirir. Yeri gəlmişkən, 1961-ci ildən belə cəhdlər edilib, lakin heç kim öz məqsədinə nail ola bilməyib.

Bundan əlavə, Çin rəhbərliyi bəyan edib ki, bu qazmalardan əldə edilən bütün məlumatlar beynəlxalq elmi ictimaiyyət üçün əlçatan olacaq və bu, bütün dünyada geoloji tədqiqatların inkişafını əhəmiyyətli dərəcədə sürətləndirə bilər.

Bununla belə, bəzi ekspertlər 11 km-ə qədər dərinlikdə qazma işlərinin yerin vibrasiyasına səbəb ola biləcəyini istisna etmirlər.

Eltun Məmmədov