Almaniya Ukraynaya sülhməramlılarını göndərməyə hazırdır

Almaniya Rusiya Federasiyasının bununla razılaşacağı təqdirdə Ukraynaya sülhməramlılarını göndərməyə hazırdır. Ulusum.az xəbər verir ki, bu barədə Almaniyanın müdafiə naziri Boris Pistorius bildirib.

Onun sözlərinə görə, həm Ukrayna, həm də Rusiya sülhməramlılar, o cümlədən almanlar üçün mandatı təsdiq etməlidir. Eyni zamanda, Pistorius əlavə edib ki, Ukraynada hər hansı hərbçilərin olması barədə qərar qəbul etmək hələ tezdir, çünki danışıqlar və atəşkəs yoxdur.
“Əgər atəşkəs olarsa, təbii ki, Qərb ictimaiyyəti, NATO tərəfdaşları, potensial olaraq BMT və Avropa İttifaqı belə sülhün, belə bir atəşkəsin necə təmin oluna biləcəyini müzakirə etməli olacaqlar. Avropanın ən böyük iqtisadiyyatı kimi Almaniyanın orada rol oynayacağı açıq-aydındır”.

Eltun Məmmədov