Azərbaycanlı boksçulardan beynəlxalq turnirdə tarixi uğur!

Azərbaycan boksçularından beynəlxalq turnirdə möhtəşəm nəticə!

Azərbaycan milli komandası idmansevərlərə daha bir qürurverici xəbər yaşadıb. Beynəlxalq səviyyəli turnirdə iki boksçumuz qızıl medala layiq görülüb.

Ulusum.az xəbər verir ki, Qardaş Rəhimov final mərhələsində Özbəkistan təmsilçisi Utkirbek Narkasimova qarşı keçirdiyi döyüşdə üstün olaraq çempionluq titulu qazanıb. Güclü rəqibə qarşı inamlı çıxışı ilə yadda qalan idmançımız turniri qızıl medalla başa vurub.

Digər sevindirici xəbər isə qadın boksçumuzdan gəlib. Nərminə Əliyeva 48 kq çəki dərəcəsində Tacikistan idmançısı Azamjon Hasanovaya qalib gələrək qızıl medala sahib olub. Bu nəticə ilə o, IMAF yarışında qızıl medal qazanan ilk azərbaycanlı qadın boksçu kimi tarixə düşüb.

Azərbaycan boksunun inkişafında önəmli mərhələlərdən biri olan bu uğurlar, həm idmançılarımızın zəhmətinin, həm də ölkəmizdə idmana verilən önəmin bariz göstəricisidir.

Təbriklər, çempionlar!

R.Daşdəmirova