Ramiz Quliyev reanimasiyaya yerləşdirilib

Xalq artisti Ramiz Quliyev səhhətində yaranan ciddi problemlər səbəbindən Mərkəzi Gömrük Hospitalının reanimasiya şöbəsinə yerləşdirilib.

Onun müalicəsini Heydər Əliyev Fondu üzərinə götürüb. Əməkdar artist Əyyub Quliyev bildirib ki, bir neçə gün öncə kreatinin səviyyəsi kritik həddə yüksəlib və Ramiz müəllim təcili xəstəxanaya yerləşdirilib.

Heydər Əliyev Fondunun dəstəyi sayəsində müalicə prosesi yüksək səviyyədə aparılır. Ramiz müəllimin vəziyyəti yaxşıya doğru irəliləyir, böyrəklər funksiyalarını bərpa edir.

Əyyub Quliyev Prezident İlham Əliyev və Birinci xanım Mehriban Əliyevaya dərin təşəkkürünü bildirib.

Ulusum.az