Xan qızı Natəvan – 193 ildir sözün zirvəsində

Bu gün – 6 avqust, XIX əsr Azərbaycan ədəbiyyatının ən parlaq simalarından biri olan Xurşidbanu Natəvanın doğum günüdür. Onun dünyaya gəlməsindən 193 il ötür.

Natəvan təkcə şairə deyil, həm də xeyriyyəçi, maarifçi və Qarabağ xanı Mehdiqulu xanın qızı olaraq ölkənin ictimai-mədəni həyatında dərin iz buraxıb. O, "Xan qızı Natəvan" kimi tanınır və ədəbiyyatımızda məhəbbət, həsrət, insanlıq və vətənpərvərlik kimi mövzuları incə lirik dillə ifadə edib.

Natəvan Qarabağın incisi olan Şuşada doğulub və Şuşa məktəbinin inkişafında mühüm rol oynayıb. Onun yaratdığı "Məclisi-üns" ədəbi məclisi, dövrün tanınmış söz adamlarını bir araya gətirib, ədəbiyyatın inkişafına böyük töhfə verib.

Natəvanın yaradıcılığı bu gün də oxunur, dəyərləndirilir və gələcək nəsillərə ilham verir.

Ulusum.az