Azərbaycanın ilk qadın gəmi kapitanı barəsində bədii film gəlir

Ulusum.az ASCO-ya istinadla xəbər verir ki, Azərbaycanın ilk qadın gəmi kapitanı, İkinci Dünya müharibəsinin cəsur iştirakçısı Şövkət Səlimovanın həyatını əks etdirən “Şövkət” adlı bədii filmin çəkilişlərinə start verilib!

Bu ekran əsəri təkcə bir qadının həyatını deyil, bütöv bir dövrün izlərini – müharibənin içində Azərbaycanın və milli gəmiçiliyimizin cəbhəyə verdiyi töhfələri, qadınların dənizçilikdəki rolunu və lider obrazını tamaşaçılara sevdirəcək.

Gənc kapitanı 22 yaşlı Nəzrin Abdullayeva canlandırır. Filmə xalq artisti Qurban İsmayılov, tanınmış aktyorlar Hikmət Rəhimov, Elsəvər Rəhimov, Nigar Mürsəlova və digər tanınmış simalar da öz töhfəsini verirlər.

Çəkilişlər ASCO-nun real gəmilərində və canlı məkanlarda aparılır. Filmin yaradıcı heyətinə isə tanınmış adlar rəhbərlik edir:

İdeya müəllifi: Mehman Mehdiyev

Ssenari: Asif Rüstəmov və Tural İbrahimov

Quruluşçu rejissor: Asif Rüstəmov

Baş prodüser: Tural İbrahimov

İcraçı prodüser: Səbinə Həsənova

Təsvir rejissoru: Rauf Qurbanəliyev

70-dən çox yerli və xarici mütəxəssisin, 100-dən artıq aktyorun iştirak etdiyi bu möhtəşəm layihə, Azərbaycan kinosuna güclü bir qadın imzası atacaq!