Qırğızıstan vətəndaşları İrandan Azərbaycana təxliyə edilir

Azərbaycanın dəstəyi ilə İrandan təxliyə olunan 28 Qırğızıstan vətəndaşından bir qismi artıq Astara sərhəd-keçid məntəqəsindən ölkəyə daxil olub. Təxliyə edilən şəxslərə tibbi xidmət və zəruri şərait təmin edilib, səhər yeməyi verilib.

Qırğızıstanın İrandakı səfirliyinin əməkdaşı Nazim Beişekeev Azərbaycan hökumətinə təxliyə prosesində göstərilən dəstəyə görə təşəkkür edib və bu prosesin yüksək səviyyədə həyata keçirildiyini bildirib.

O, İranda vəziyyətin gərgin olduğunu qeyd edərək, böhranın diplomatik yolla, qarşılıqlı anlaşma əsasında həllinin vacibliyini vurğulayıb.

Rəxşəndə Daşdəmirova
Ulusum.az