Sumqayıtda Şəhidlərin Ruhunu Qoruyan Qəhrəmanlar – Bir Polisin Dilindən

Hər səhər xidmətimə bu müqəddəs torpaqdan, qəhrəman şəhidlərimizin uyuduğu məkandan başlayıram. Günəşi onların ruhu ilə birgə salamlayıram. Sumqayıt, gənclər şəhəri, indi həm də şəhidlərin izini yaşadan, onların amalını davam etdirən bizlərin xidmət məkanıdır.

Ana Vətən deyirik... Ana qədər doğma, müqəddəs və borcu heç vaxt tam ödənməyəcək qədər böyük bir ad. Bu adı qorumaq üçün and içmişik. Hər qarışı canımız qədər əziz olan torpaqlarda – dağında, düzündə, şəhərində, kəndində – gecə-gündüz demədən xidmət edir, asayişin keşiyində dururuq.

Hər addımda bir məqsədimiz var. İnsanların simasında təbəssüm görmək. Küçələrdə, prospektlərdə, park və xiyabanlarda təhlükəsizliyi təmin etmək üçün yorulmadan çalışırıq. Vətənin hər guşəsində bir polisin izi, bir əsgərin izi var.

Mən – bir Azərbaycan polisi olaraq səni də bu şərəfli sıralarda görmək istəyirəm. Gəl, bu müqəddəs xidmət yolunda birgə addımlayaq!

My Webpage

Ulusum.az