2 İyun – Göyləri fəth edənlərin bayramı: Mülki Aviasiya İşçiləri Günü qeyd olunur

İyunun 2-də Azərbaycan mülki aviasiya işçiləri peşə bayramlarını və ölkədə mülki aviasiyanın yaradılmasının ildönümünü qeyd edirlər.

Azərbaycan Prezidenti İlham Əliyevin 18 may 2006-cı il tarixli “Azərbaycan Respublikasında Mülki Aviasiya İşçilərinin Peşə Bayramının təsis edilməsi haqqında” sərəncamına əsasən, 2 iyun Mülki Aviasiya İşçiləri Günü kimi qeyd olunur.

Bu gün – ölkənin inkişafına, iqtisadiyyatın yüksəlişinə və digər ölkələrlə əlaqələrin möhkəmləndirilməsinə mülki aviasiya işçilərinin verdiyi mühüm töhfənin tanınması və dəyərləndirilməsi simvoludur.

Ulusum.az