Prezidentdən 200-dən çox məhkuma əfv – Yeni fərman imzalandı!

Azərbaycan Prezidenti İlham Əliyevin 25 may 2025-ci il tarixli əfv sərəncamı ilə 200-dən artıq məhkum əfv edilib. Bunlardan 175 nəfər azadlıqdan məhrumetmə cəzasının çəkilməmiş hissəsindən azad olunub, 25 nəfərin cəzası yarıyadək azaldılıb. Əlavə olaraq, 1 nəfər şərti cəzadan, 2 nəfər isə təxirə salınmış cəzadan azad edilib.

Azadlığın məhdudlaşdırılması cəzası alan 10 nəfər cəzanın çəkilməmiş hissəsindən azad olunub, 2 nəfərin cəzası yarıyadək azaldılıb. İslah işləri cəzasına məhkum edilmiş 4 nəfər və cərimə cəzası alan 1 nəfər də əfv olunub. Sərəncamın icrası Ombudsman, Milli Məclis deputatları, Əfv Komissiyası üzvləri, hüquq müdafiəçiləri və media nümayəndələrinin iştirakı ilə həyata keçirilib.

Ulusum.az