Xəzər Universitetində “Career Fair 2025” Networking və Career Development Platforması FOTO / VİDEO

Mayın 23-də Xəzər Universitetinin Neftçilər kampusunda Karyera və Məzunlar Mərkəzinin təşkilatçılığı ilə “Karyera Sərgisi – 2025” uğurla keçirildi.


Tədbir tələbə və məzunlar arasında yüksək maraqla qarşılandı və geniş iştirakla yadda qaldı. Sərgidə 50-yə yaxın nüfuzlu şirkət və qurum, o cümlədən beynəlxalq brendlər, aparıcı bank və maliyyə institutları, təhsil və psixoloji inkişaf mərkəzləri, turizm və hospitality sahəsində tanınmış təşkilatlar iştirak etdi.


İştirakçılar arasında SOCAR, KPMG, Norm ASC, ACCESSBANK, Yelo Bank, Turan Bank, Four Seasons Hotel, Hilton Garden Inn kimi adlar yer aldı. Tədbir zamanı iştirakçılara iş və internship imkanları, ilkin müsahibələr, CV təqdimat sessiyaları və networking platformaları təqdim edildi.


Karyera və Məzunlar Mərkəzinin direktoru Zərifə Əliyeva çıxışında universitetin əmək bazarı ilə strateji əlaqələrinin
əhəmiyyətindən danışdı. Sərgi tələbə və məzunların real əmək bazarı ilə birbaşa tanış olaraq gələcək karyeralarını daha məqsədyönlü planlamalarına imkan yaratdı.


Digər universitetlərin nümayəndələrinin də iştirakı tədbirin miqyasını genişləndirdi və interuniversitet əməkdaşlığa zəmin yaratdı. Xəzər Universiteti olaraq bu kimi təşəbbüslərin davamlı olacağı və tələbələrin peşəkar inkişafına töhfə verəcəyi bildirildi.





R.İkramlı
Ulusum.az