Bakının bu kəndi yenilənəcək

Bülbülə gölü ətrafında aparılan böyük abadlıq layihəsi çərçivəsində ərazi tam dəyişəcək. Gölə axan çirkab sular Hövsan kollektoruna yönləndiriləcək, yerdə qalan tullantılar isə maşınlarla daşınacaq. Artıq layihələndirmə işləri başa çatıb, alt qat hazırdır və tezliklə asfaltlanma və digər işlərə start veriləcək.

Yeni Bülbülə bulvarında restoran və kafelər, dairəvi velosiped yolu, uşaqlar üçün meydançalar, yaşıllıq zolaqları və istirahət yerləri olacaq. Gölün üzərindən körpü salınacaq, yay aylarında isə katamaranlar fəaliyyət göstərəcək. Layihə tamamlandıqdan sonra Bülbülə bulvarı təkcə yerli əhalinin deyil, həm də Bakı sakinləri və turistlərin sevimli istirahət məkanına çevriləcək.

Ulusum.az