18 May - Beynəlxalq Muzeylər Günüdür

Luvr muzeyi-1973
Dünyanın ən böyük və ən çox ziyarət edilən muzeyi olan Luvr, Mona Liza və Milo Venerası kimi məşhur əsərlərlə tanınır. Leonardo da Vinçi və Mikelancelonun əsərlərinin də nümayiş olunduğu bu muzeydə 7 bölmə mövcuddur və tam şəkildə gəzilməsi təxminən 2 gün vaxt aparır.

Ötən il 10 milyondan çox ziyarətçi qəbul edən muzeyin populyarlığına Beyons və Jay-Z-nin burada klip çəkməsi də təsir edib.

Britaniya muzeyi
Britaniya Muzeyi, 1759-cu ildə Londonda açılmış və dünyanın ən böyük tarixi və mədəniyyət muzeylərindən biridir.

Zəngin eksponatları və pulsuz giriş imkanı ilə tanınan bu muzeydə 8 milyona yaxın tarixi nümunə və 7 milyondan çox kitab yer alır.


Metropoliten muzeyi
Amerikanın Nyu-York şəhərində yerləşən Metropoliten Muzeyi, 1870-ci ildə yaradılmış və bu gün dünyanın ən zəngin incəsənət kolleksiyalarından birinə sahibdir.

Muzeydə qədim Misir, Yunanıstan, Roma və İslam mədəniyyətlərinə aid 3 milyona yaxın eksponat nümayiş olunur.

Vatikan muzeyi
İtaliyanın Romada yerləşən Vatikan Muzeyi, 70 minə yaxın sənət əsəri ilə dünyanın ən zəngin kolleksiyalarından birinə sahibdir.

Tarixi və bənzərsiz memarlığı ilə bu muzey hər ziyarətçisini sənətlə dolu nağıl dünyasına aparır.

Ermitaj Muzeyi
Sankt-Peterburqda yerləşən Ermitaj Muzeyi, 3 milyondan çox sənət əsəri ilə dünyanın ən zəngin və təsirli kolleksiyalarından birinə malikdir.

Bu möhtəşəm muzeydə I Pyotrun şəxsi əşyalarından tutmuş Pikasso və Leonardo da Vinçi kimi sənətkarların əsərlərinədək saysız incilərlə qarşılaşmaq mümkündür.

Milli Azərbaycan Tarixi Muzeyi
1920-ci ildə yaradılmış və Bakıda yerləşən ən böyük muzeylərdən biridir. Muzeyin kolleksiyasında 300 mindən çox maddi-mədəniyyət nümunəsi saxlanılır və Azərbaycanın tarixini əks etdirən müxtəlif sahələrə aid eksponatları təqdim edir.

Burada qədim dövrün arxeoloji tapıntılarından, müasir dövrə qədər olan sənət əsərləri və numizmatika nümunələrinə qədər çoxsaylı qiymətli kolleksiyalar nümayiş olunur

Bu muzeylər bəşər tarixinin, incəsənətinin və mədəniyyətinin nadir nümunələrini əks etdirir və hər bir səyahətçinin siyahısında olmalıdır.

"Ulusum.".az