Apple, süni intellekt üçün OpenAI ilə razılaşdı?

Texnologiya nəhəngi Apple, iOS 18 əməliyyat sistemində süni intellekt texnologiyalarına yönəlmək üçün mühüm bir addım atdı.

Ulusum.az The Information-a istinadən bildirir ki, Apple-ın süni intellekt qrupu, 2023-cü ilin ortalarından bəri OpenAI CEO-su Sam Altman və digər rəsmilərlə görüşlər keçirirdi. Nəticədə, Apple-ın OpenAI API-lərinə çıxış əldə etməsi üçün razılıq əldə olunub.

Bu razılıq, Apple-ın süni intellekt texnologiyalarında daha böyük və inkişaf etmiş modellərə yönələcəyini göstərir. OpenAI-nin texnologiyaları, Siri və digər süni intellekt əsaslı xüsusiyyətlərin inkişafında da istifadə edilə bilər.

Detallarının 10 İyun tarixində keçiriləcək WWDC tədbirində açıqlanması gözlənilir.

Cəlal Mir