10-06-2025, 16:27 0 Siyasət / Dünya

Estoniyada Rusiya yönümlü deputatlara qarşı yeni məhdudiyyətlər gündəmdə

Estoniyada Rusiya yönümlü deputatlara qarşı yeni məhdudiyyətlər gündəmdə
Estoniya parlamentində Sosial Demokrat Partiyasının deputatları, Rusiya yönümlü baxışlara malik qanunvericilərin dövlət sirlərinə çıxışının məhdudlaşdırılması təşəbbüsünü irəli sürüblər. Bu barədə Sosial Demokratlar fraksiyasının üzvü Raymond Kalyulayd "Postimees" nəşrinə məlumat verib.

Kalyulayd bildirib ki, mövcud qanunvericilik parlamentin bütün üzvlərinə dövlət sirri ilə tanış olmaq hüququ verir. Lakin gələcəkdə deputatların bu hüququ əldə etməsi üçün bioqrafik yoxlamadan keçmələri nəzərdə tutulur. Bu təşəbbüs, təhlükəsizlik sahəsində vəziyyətin dəyişməsi və Rusiya yönümlü deputatların parlamentdə olması ilə əlaqələndirilir.

Qeyd edək ki, Raymond Kalyulayd 2019-cu ildən Estoniya parlamentinin üzvüdür və hazırda Sosial Demokrat Partiyasını təmsil edir. O, əvvəllər Xarici İşlər Komitəsində, Avropa İttifaqı İşləri Komitəsinin sədr müavini və Milli Müdafiə Komitəsinin sədri kimi vəzifələrdə çalışıb. Hazırda isə Milli Müdafiə Komitəsinin və Təhlükəsizlik Orqanlarına Nəzarət üzrə Seçmə Komitənin üzvüdür.

Ulusum.az

Şərhlər:
Adınız:
E-Mail:
Bu kod:
yenilə, əgər kod görünmürsə
Bura daxil edin: