Söz yox, niyyət və düşüncə təsir edir

Əsas təsir sözlərdən yox, niyyətdən və düşüncədən gəlir. Effektiv danışıqlar üzrə mütəxəssis Günül İbrahim ulusum.az-a bildirir ki, insana təsir göstərməkdə sözlərin rolu düşündüyümüz qədər böyük deyil.

Onun sözlərinə görə, söz sadəcə niyyətin hərəkətə keçmiş formasıdır, əsl təsir isə insanın daxilindəki düşüncə və niyyət enerjisindən qaynaqlanır.

Mütəxəssis əlavə edir ki, sözün təsir payı cəmi 10%-dir, qalan 90% isə düşüncə və niyyətin gücüdür.

İnsana təsir üçün onun dilində danışmaq şərt deyil
Günül İbrahim qeyd edir ki, təsirin böyük hissəsi səs tonu, enerji və vizual ünsiyyətdən gəlir. İnsan anlamadığı dildə olsa belə, xoş niyyəti hiss edə bilər. Məlumatın cəmi 10%-i sözlə ötürülür.

Eyni sözləri iki insan desə, təsiri fərqli olacaq
Mütəxəssis bildirir ki, təqdimat tərzi və niyyət fərqi sözün yaratdığı effekti dəyişir. Söz deyil, onu deyənin daxili enerjisi qarşı tərəfdə təsir yaradır.

“İnformasiyanın 70%-i gözlə, 20%-i səslə, cəmi 10%-i isə sözlə ötürülür.”

Ulusum.az / R.Daşdəmirova