Nevroz çağı: Sosial şəbəkələr bizi necə gərginləşdirir?

Son illərdə sosial şəbəkələr həyatımızın ayrılmaz hissəsinə çevrilib. Facebook, Instagram, TikTok və X (keçmiş Twitter) kimi platformalar gündəlik həyatımızın ritmini dəyişib. Lakin bu rəqəmsal əlaqə rahatlıq və informasiya ilə yanaşı, psixoloji gərginlik və nevrozların artmasına da səbəb olub.

Əvvəllər insanlar bir-biri ilə daha məhdud dairədə ünsiyyət qururdu. İndi isə hər kəs öz həyatını nümayiş etdirir və başqalarının həyatını müşahidə edir. Bu da özünü müqayisə etmək, çatışmazlıq hissi, sosial təzyiq və dəyərsizlik duyğusu yaradır. Gözlə görünməyən bu psixoloji təsirlər zamanla nevroz, anksiyete (həyəcan pozuntusu) və depressiya hallarının artmasına gətirib çıxarır.

Əlavə olaraq, daim bildirişlərə baxmaq ehtiyacı və "like" almağa bağlılıq asılılıq yaradır. Bu isə beynin dopamin sistemini dəyişərək, insanı qısa müddətli xoşbəxtliyə öyrəşdirir və uzunmüddətli narahatlıq hissini artırır.

Mütəxəssislər artıq "rəqəmsal detoks", yəni müəyyən dövrlərdə sosial şəbəkələrdən uzaq durmağın psixoloji sağlamlıq üçün vacib olduğunu bildirirlər. Real münasibətlərə və offline həyata daha çox diqqət yetirmək — ruh sağlamlığımızın qorunmasında mühüm addımdır.

✍️"Ulusum".az