Endokrinoloq xəbərdarlıq edir: Diabet simptomsuz irəliləyə bilər ⚠️

Ağız quruluğu, güclü susuzluq və gecələr tez-tez sidiyə çıxmaq – bunlar şəkərli diabetin ilkin əlamətləri ola bilər. Bu barədə endokrinoloq Şalala Paşayeva “Strasti” portalına açıqlamasında bildirib. Onun sözlərinə görə, bu xəstəlik çox zaman simptomsuz keçir.

Əsas risk qrupu, 45 yaşdan yuxarı, artıq çəkisi və ya piylənməsi olan, oturaq həyat tərzi keçirən insanlardır. Həkim həmçinin irsi faktorların da şəkərli diabetin inkişafına təsir etdiyini vurğulayıb.

Paşayeva bildirir ki, bu təhlükəli xəstəlikdən qorunmaq üçün yalnız düzgün qidalanma deyil, həm də müntəzəm fiziki aktivlik vacibdir. Bundan əlavə, hər kəsin ildə ən azı bir dəfə qanda qlükoza səviyyəsini yoxlatması tövsiyə olunur.

✍️"Ulusum".az