Snickers və Peçenye Sevənlərə Gəlsin

Snickers dadında peçenye — qoz-fındıq, yumşaq xəmir və əriyən şokoladın birləşməsini sevənlər üçün ideal desertdir. Hazırlanması sadədir, nəticəsi isə gözləniləndən daha yaxşıdır! Sına, ailən çox sevəcək.

Tərkibi (8–10 ədəd):

Un — 150 q

Qovrulmuş yerfındığı — 100 q

Kərə yağı — 100 q

Kənd şəkəri — 100 q

Yumurta — 1 ədəd

Yumurta sarısı — 1 ədəd

Vanil şəkəri — 1 paket

Duz — bir çimdik

Qabartma tozu — 1 çay qaşığı

Şokolad — 50 q

Hazırlanması:

Yerfındığını quru tavada 5 dəqiqə qovurun, qabığını təmizləyin və xırda doğrayın.

Yumurta, yumurta sarısı, şəkər və vanil şəkərini köpüklənənə qədər çalın. Üzərinə kərə yağı və yerfındığını əlavə edin.

Un, qabartma tozu və duzu qarışdırıb xəmirlə birləşdirin, üzərinə doğranmış şokoladı əlavə edin.

60 qramlıq toplar düzəldin, 30 dəqiqə soyuducuda saxlayın.

190–200 dərəcə Selsidə 20–25 dəqiqə qızılı rəng alana qədər bişirin.

Ulusum.az