Bitki yağında qızartmanın təhlükələri haqqında miflər

Kərə yağı ilə "zərərli" bitki yağlarının əvəz edilməsi yalnız çəki itirməyə kömək etmir, həm də ürək üçün müəyyən risklər daşıyır. Bu barədə amerikalı dietoloq Şelli Bolz və xərçəngdə qidalanma üzrə ixtisaslaşmış həkim Preti Soni Health News jurnalına məlumat veriblər.

Bitki yağları qarğıdalı, pambıq, soya, günəbaxan, üzüm toxumu və susam kimi bitkilərdən əldə edilir. Bu məhsullar adətən neytral dadı və yüksək tüstülənmə temperaturu ilə xarakterizə olunur, buna görə də yemək bişirmək üçün ən uyğun hesab edilir.

Bitki yağlarında olan omega-6 yağ turşularının çox olması sağlamlıq üçün zərərli hesab edilir. Lakin, həkim Soninin sözlərinə görə, bu yağların mülayim istehlakı xərçəng riskini artırmır. Belə yağlardan kiçik miqdarda istifadənin A, D və E vitaminlərinin bədən tərəfindən udulması üçün zəruri olduğunu bildirib.

Həmçinin, bitki yağları və onlarla yemək bişirmək bədənə zərər vermir. Bununla belə, toxum yağları tez-tez ultra işlənmiş məhsulların istehsalında istifadə olunur — fast food, çörək, hazır yeməklər, şirniyyatlar. Məhz bu cür yüksək şəkər, natrium və konservantlar tərkibində olan qidalar piylənməyə səbəb olur və ən azı 12 müxtəlif xərçəng növünün inkişaf riskini artırır.

Dietoloqlar qeyd ediblər ki, son vaxtlar sosial şəbəkələrdə k yəarə yağı "zərərli" bitki yağlarına daha sağlam alternativ kimi reklam olunur. Lakin belə bir əvəzləməyə ehtiyac yoxdur — heyvan mənşəli yağlar daha çox doymuş yağ turşuları ehtiva edir, hansılar ki, ürək üçün artıqda təhlükəlidir.

Səidə