Ailə üçün "gizli kod sözü" – dələduzlara qarşı güclü müdafiə

Piroqov Universitetinin klinik psixoloqu Elizaveta Kulikova xəbərdarlıq edir: dələduzların tələsinə düşməmək üçün ailədə gizli “kod söz” müəyyən etmək lazımdır.

Bəzən dələduzlar yaxın qohum və ya dost kimi təqdim olunaraq, guya qəza keçirdiklərini və ya saxlanıldıqlarını deyərək pul tələb edirlər. Belə hallarda kod sözü soruşmaq sizi aldatmadan xilas edə bilər.

Ekspertin tövsiyələri:

Ailə daxilində yalnız sizə məlum olan xüsusi bir söz seçin.

Böyüklərinizə öyrədin ki, belə bir zəng gələndə təlaşa düşməsinlər, əvvəlcə sizinlə əlaqə saxlasınlar.

Telefonda yaxın qohumların, bankların və vacib nömrələrin qeyd olunması vacibdir.

Dələduzlar emosiyalara təsir etməyə çalışır, qorxu yaratmaqla insanı çaşdırırlar – bu zaman zəngi kəsmək və doğrudan yaxınınızla əlaqə saxlamaq daha doğrudur.