Qurumlar işsiz qalan həkimlərin probleminə BİGANƏDİR - EKSKLÜZİV

Nazirlər Kabinetinin 14 dekabr 2023-cü il tarixli sərəncamına əsasən Biləcəri Dəmiryol Xəstəxanası Azərbaycan Dəmir Yolları QSC-nin tabeliyindən çıxarılıb, Əmək və Əhalinin Sosial Müdafiəsi Nazirliyinə verilib.

Ulusum.az xəbər verir ki, bu müddət ərzində onlarla əməkdaş işsiz qalıb. Bura həm kiçik tibbi personal, həm də həkim heyəti daxildir.
Bununla bağlı, sual ƏƏSMN-ya sual ünvanlasaq da, cavab ala bilmədik.

Səhiyyə Nazirliyi isə xəstəxananın kimin tabeliyindən olmasından xəbəri belə yoxdur. TƏBİB isə ümumiyyətlə suallarımıza cavab vermədi.

İllərdir tibb sahəsində fəaliyyət göstərən həkimlərinə, tibbi işçilərinə sayğısızlıq nədən qaynaqlanır? 4 aya yaxındır ki, işsiz qalan əməkdaşlar niyə işlə təmin olunmur? Suallar çoxdur, ancaq cavab verən yoxdur. Ən çox məsuliyyətli qurum Əmək və Əhalinin Sosial Müdafiəsi Nazirliyidir, lakin onlar da məsələni görməzdən gəlirlər.

Ulusum.az olaraq məsələni diqqətdə saxlayacağıq.

Qeyd edək ki, NK-nın 2023-cü il 14 dekabr tarixli 945s nömrəli Sərəncamına əsasən, qurumun Həkim-Sanitar Xidmətinin Mərkəzi Dəmiryol Xəstəxanasının balansında olan bir sıra dövlət əmlakları Əmək və Əhalinin Sosial Müdafiəsi Nazirliyinin balansına verilib.

Ağa Dadaşzadə