Şiddətli isti hava dalğası Yeni Delhini vurdu

Yeni Delhidə temperatur 50 dərəcəni keçərək rekord səviyyəyə çatıb, həyat çətinləşib.

Hindistanın paytaxtında, Mungeshpur bölgəsində 50.5 dərəcə qeyd edilib və bu, şəhərin tarixi maksimum temperaturudur. Hindistan Meteorologiya Dairəsi (IMD) qeyri-adi şiddətli istilik dalğasının təsirini hiss etdiklərini və temperaturun gözləniləndən doqquz dərəcə daha yüksək olduğunu bildirib. Xüsusilə uşaqlar, yaşlılar və xroniki xəstələr üçün sağlamlıq riskləri barədə xəbərdarlıqlar edilir. Şəhər rəsmiləri su qıtlığı riskinə diqqət çəkərək, israfçı su istifadəsinə son verilməsi üçün vətəndaşlara çağırış edib. Su naziri Atishi Marlena, su tədarükünü günə bir dəfə azaltmaq kimi tədbirlər gördüklərini bildirib. İnsanlar suların krandan qaynar axdığını və avtomobillərinin sükanına toxunduqda barmaqlarının yandığını söyləyirlər. Həkimlər insanların qapalı məkanlarda qalmasını və sərin paltar geyinməsini tövsiyə etsə də, işçilər üçün bu məsləhətlərə əməl etmək çətindir. İşçilər günün ən isti saatlarında işlərini dayandırmağa məcbur olurlar.

Calal Mir