Yol qəzaları 24 can aldı... Onlarla insan yaralandı

Nigeriyanın şimalındakı qonşu Kaduna və Kano əyalətlərində baş verən iki ayrı yol qəzasında 24 nəfər ölüb, 56 nəfər yaralanıb.

Bu barədə ULUSUM.az xarici mətbuata istinadən xəbər verir.

Nigeriyanın Milli Yol Təhlükəsizliyi İdarəsinin Kaduna əyaləti üzrə direktoru Kabir Nadabo sürətlə hərəkət edən yük maşınının idarəetmədən çıxaraq sərnişinləri daşıyan avtobusa çırpıldığını bildirib. O, qeyd edib ki, qəza nəticəsində 13 nəfər ölüb, 40 nəfər yaralanıb.

Milli Yol Təhlükəsizliyi İdarəsinin Kano əyaləti üzrə koordinatoru İbrahim Sallau Abdullahi bildirib ki, Kano-Mayduquri şosesində iki avtomobilin toqquşması nəticəsində 11 nəfər ölüb, 16 nəfər yaralanıb.

#yolqezasi #avtoqeza #nigeriya